LIRIK ANEUK GLUEH - QASIDAH ACEH

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Bacut Lon Rawi Hadits Nabi Ulon Peugah

Bak Si Hari U Blang Nabi Geu Meu langkah

Na Si Keujap Sinan Teutap Pang Ule Nabi

Deuh Neukalon Saboh Kawom Biek Yahudi

Di Yahudi Ji Peuruegi Masok Hutan

Nabi Kalon Jieboh Taron Preh Disinan

Antara Taron Deungon Nabi Hana Jioh

Glueh Lam Uteun Keunan Ji Plueng Lam Taron Roh

Ji Meulawan Keudeh Keuno Pih Han Lheuh Lee

Sira Dimoe Jiadu Droe Ubak Nabi

Ya Habibi Ya Maulana Ya Muhammad

Gaseh Sayang Lon Binatang Ka Meu Kumat

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Neu Peu Lheh Loen Hai Pang Ule Siat Lon Woe

Sayang Raya Aneuk Dua Ban Ceh Baroe

Rijang Keuno Ee Pang Ulee Lon Kembali

Sayang Raya Aneuk Dua Moem Lon Jak Bie

Meunyo Ubah Janji Lon Nyoe Meukon Bacut

Miseu Ummat Tan Ibadat Ngon Seulawet

Neulake Loen Ee Pang Ulee Bak Yahudi

Droeneuh Lake Ka Meu Teunte Meuhat Jibrie

Yoh Nyan Nabi Teuka Inseuf Weuh Lam Hate

Neujak Laju Bak Yahudi Neu Peu Rab Le

Hai Yahudi Beu Katuri Lon Muhammad

Glueh Lam Taron Kacie Peu Lheuh Jiwoe Siat

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Dum Yahudi Sekalian Jimeu Pakat

Glueh Ta Peu Lheuh Taci Ujoe Si Muhammad

Meunye Beutoi Binatang Kleut Keunoe Jiriwang

Tanyoe Mandum Bak Uro Nyo Ta Iseulam

Glueh Dipeu Lheuh Nibak Taron Le Yahudi

Laju Jiwoe Lake Izin Ubak Nabi

Glueh Pih Jiwoe Ngon Ie Mata Serta Ile

Troh Bak Aneuk  Meunoe Dikheun Ta Deungoe Le

Wahee Aneuk Tangke Hate Dua Sikarang

Ta Beudoeh Laju Jak Moem Susu Rijang-Rijang

Di Mak Kadang Jadeh Mate Bak Uro Nyo

Mak Meu Janji Deungon Nabi Sideh Beuno

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Bak Lon Jak-Jak Lam Uteun Mita Raseuki

Hana Lon Ngieng Taron Jitheun  Le Yahudi

Lah Na Nabi Neu Tanggong Lon Bak Yahudi

Dak Han Sikin Nibak Takue Laju Jisie

Bukoen Sayang Bungong Mancang Mirah-Mirah

Lon Ngieng Gata Aneuk Dua Cut Si Leupah

Meunyo Troh Rimueng Dalam Uteun Soe Peu Siblah

Lon Ka Mate Bak Uro Nyoe Kheundak Allah

Soe Bri Makanan Jampang Gata Hai Deuk Ngon Grah

Glueh Jimarit Ngon Ie Mata Ta Eu Boehbah

Seu’oet Aneuk  Kamo Dua Bek Mak Gundah

Droeneuh Meujanji Deungon Nabi Neujak Peuglah

Oeh Jideungoe Meunan Nariet Bak Mak Badan

Jaweub Aneuk Sare Dikheun Jimeu Kalam

Hareum Lillah Hana Meumom Hai Mak Badan

Meunye Golom Ngoen Muhammad Perjanjian

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Keu Makanan Bek Mak Gundah Kamoe Lam Gle

Na Ie Calok Pat Meu Reumpoek Kamoe Jeb Le

Ie Lam Kubang Hai Mak Badan Nyan Pih Hase

Kamoe Dua Tuhan Peulara Sinoe Lam Gle

Tuhan Kaya Kuasa That Rabbul Jalel

Dum Na Rahmat Kuasa Zat Laot Ngen Gle

Neu Beudoh Laju Hai Mak Badan Neu Peureugi

Sayang Leupah Ngoen Rasulullah Ubah Janji

Oeh Jideungoe Meunan Aneuk Jimeu Kalam

Moe Meu Syuk-Syuk Coem Aneuk Dua Si Karang

Oh Lheuh Izin Ubak Aneuk Dijak Riwang

Mata Ulikot Jisurot-Surot Aneuk Ji Pandang

Glueh Pih Jiplueng Laju Rijang Bak Muhammad

Troh Bak Taron Nibak Takue Laju Peu Kumat

Glueh Pih Dimoe Ngon Ie Mata Serta Ile

Ubak Nabi Ji Meungadu Laju Sare

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Ya Habibi Ya Maulana Ya Janjongan

Janji Ulon Deungon Gata Ubah Cit Tan

Sabda Nabi Bak Yahudi Neu Meukalam

Glueh Kajiwoe Kalon Keudro Ubah Cit Han

Di Badui Mandum Sare Ka Jikalon

Binatang Gle Jiriwang Lom Ubak Taron

Di Badui Madum Sare Jimeupakat

Nyo Si Benar Leu Mukjizat Bak Muhammad

Dum Yahudi Mandum Sare Di Meungucap

Bit Seu Benar Gata Rasul Hai Muhammad

Kamo Mandum Bak Uro Nyo Meu Iseulam

Meunan Badui Mandum Sare Ji Meukalam

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Glueh Ji Peuleuh Laju Rijang Le Yahudi

Lake Izin Ubak Rasul Muhammad Nabi

Glueh Mengucap Kalimah Syahdat Pujoe Rabbi

Ji Peubeunar Nabi Muhammad Rasul Ilahi

Glueh Ji Groep-Groep Seunang Hate Galak Jih That

Hingga Troh Lee Nibak Aneuk Dengon Siat

Aneuk Taheu Oh Ban Troeh Le Mak Jih Keunan

Sira Jikheun Meunoe Keuh Ban Jimeu Kalam

Wahe Poma Pakon Rijang Neuwoe Keuno

Deungon Nabi Neu Meujanji Ka Seuleusoe

Seu’ot Poma  Bak Masa Nyan Laju Bagah

Hana Janji Dengon Nabi Karna Allah

Dum Yahudi Yang Drop Lon Ka Ji Iseulam

Lon Ji Peuleuh Lon Woe Laju Rijang-Rijang

Oeh Ji Deungoe  Haba Bak Mak Aneuk Tercengang

Nyoe Si Beunar Nabi Muhammad Rasul Tuhan

Aneuk Beudoh Jijak Coem Ma Rijang-rijang

Jak Mom Susu Hate Rindu That Sukaan

Ehno Habeh Riwayat Glueh Wahe Taulan

Kakeuh Sudah Yang Teukisah Serta Nazam

صلّى ربّنا عليك يا محمّد

مصباح الظلام فماد الزمن

صلّى ربّنا عليك ياحبيبي

احمد مصطفى صاحب البيان

Bagikan Artikel ini