QASIDAH ACEH "PALEH-PALEH ULEU BEUNTENG" - SAUTUL FATA

Paleh-Paleh Uleu Beunteung
Bak Meukaleung Han Dilangga
Paleh-Paleh Akai Ureung
Han Di Jeut Kheun Keu Ulama

Adak Pih Na Yang Beuhoe Kheun
Di Jeut Kaleung Dum Ulama
Kadang Nyan Kon Bijeh Ureung
Bak Ie Leubeung Asai Mula . . . . . 2x

Reff :
Deungo Hai Bang Lon Peuingat
Beuleuheun That Ngon Ulama
Keu Ulama Teujeut Upat
Bak Alamat Keu Neuk Ceulaka

Keu Haba Nyoe Jeut Han Neumat
Saboh Saat Neu Preh Teuma
Watei Tuboh Ka Seukarat
Han Seulamat Iman Lam Dada

Kembali Ke Intro...

Akhe Masa Toe Kiamat
Le Ummat Peu Jioh Ulama
Lam Hadits Nabi Peu Ingat
Lhee Alamat Tuhan Bri Bala

Yang Keu Phon Nabi Peuingat
Gadoh Beureukat Bak Usaha
Tamita Na Rata Tempat
Tan Beureukat Oh Watei Kana

Kembali Ke Intro...

Yang Keu Dua Neu Peuingat
Yang Zalem That Neujok Umara
Keu Rakyat Hana Di Ingat
Juwah That Miseu Ban Singa

Yang Keu Lhee Bala Rayek That
Oh Seukarat Tuhan Peunyata
Lidah Han Roh Meu Syahadat
Dak Bacut That Iman Tan Taba

Paleh-Paleh Uleu Beunteung
Bak Meukaleung Han Dilangga
Paleh-Paleh Akai Ureung
Han Di Jeut Kheun Keu Ulama

Adak Pih Na Yang Beuhoe Kheun
Di Jeut Kaleung Dum Ulama
Kadang Nyan Kon Bijeh Ureung
Bak Ie Leubeung Asai Mula . . . . . 2x

Cipta : Tgk. Fakhruddin Al-Yusufie

Bagikan Artikel ini